आम निर्वाचन २०८२ मा स्वयंसेवक परिचालन 

नेपाल रेडक्रस  सोसाइटी कास्की शाखाले आफ्ना मतहातका उपशाखा, युवा र जुनियर सर्कलका प्राथमिक उपचार तालिम प्राप्त दक्ष स्वयंसेवकहरू परिचालित गरी प्रतिनिधि सभा निर्वाचन २०८२ मा  सेवा प्रदान गर्नुभएको छ । मतदानस्थल सम्म आउँदा भएका ६९ जना सामान्य प्रकारका घटनाहरूलाई तत्काल प्राथमिक उपचार गरिएको थियो। कुकुरले टोकेका दुईजना बिरामी लाई तत्काल प्राथमिक उपचार गरी कास्की शाखाको एम्बुलेन्स मार्फत अस्पतालसम्म पुर्याइएको थियो। कास्की शाखाको एम्बुलेन्सले १२ जनालाई विरामि समेत अस्पतालमा पुर्‍याउने काम समेत गरेकाे थियो। 

मतदान स्थलमा मतदातालाई पानी वितरण, जीवनजल पानी वितरण, रक्तचाप जाँच , अपाङ्गता, जेष्ठ नागरिक, गर्भवती तथा सुत्केरी भएका व्यक्तिहरूलाई सहयाेग लगायतको सेवा समेत प्रदान गरिएको थियो। 

कास्की जिल्लामा २६ वटा उपशाखाले ६८ वटा मतदान केन्द्रमा आकस्मिक पोष्ट सञ्चालन गरी करिब २२०० जनालाई सेवा प्रदान गरेका थिए। उक्त मतदान केन्द्रमा ८० भन्दा बढी स्वयंसेवक परिचालन गरिएको थियो। 

मतदानका क्रममा हुनसक्ने दुर्घटनालाई मध्यनजर गर्दै जिल्ला शाखामा र पालिका स्तरीय छुट्टै तालिम प्राप्त स्वयंसेवक टिम परिचालन समेत गरिएको नेपाल रेडक्रस सोसाइटी कास्कीका सभापति उर्मिला खड्का भण्डारीले जानकारी गराउनुभएको थियो। 

नेपाल रेडक्रस सोसाइटी केन्द्रीय आम निर्वाचनलाई लक्षित गरी नेपालभरि आकस्मिक प्राथमिक उपचार पोस्ट सञ्चालन गरी सेवा प्रदान गरेको छ।