पोखरा, ५ फागुन – नेपाल रेडक्रस सोसाइटी कास्कीको रक्तसञ्चार केन्द्रका लागि पोखरा वडा नम्बर ५ वडा समितिले फर्निचर सामग्री प्रदान गरेको छ।
जिल्ला सभापति डण्डाराज पौडेलले सहयोग प्रति धन्यवाद व्यक्त गर्दै यसलाई महत्वपूर्ण योगदान भएको बताउनुभयो। वडा अध्यक्ष विष्णुप्रसाद बरालले रेडक्रसजस्तो पवित्र मानवीय संस्थाले सबै क्षेत्रबाट सहयोग प्राप्त गर्ने विश्वास व्यक्त गर्दै, अत्याधुनिक सुविधासम्पन्न प्रशासनिक भवन निर्माण समयको माग रहेको उल्लेख गर्नुभयो।
उक्त कार्यक्रममा कार्यपालिका सदस्य हरिमाया विक, वडा नम्बर ५ का निवर्तमान वडा अध्यक्ष धनबहादुर नेपाली, नेपाल रेडक्रस सोसाइटीका उपसभापति उर्मिला खड्का  लगायतका वक्ताहरूले धन्यवाद ज्ञापन गरेका थिए । वडा जनप्रतिनिधि कल्पना भुवाई,  मणिराम बराल तथा पोखरा ५ उपशाखा सभापति केशव राज बराल लगायतको उपस्थितिमा फर्निचर सामाग्री कास्की शाखा लाई हस्तान्तरण गर्नुभएको थियो। कार्यक्रम सञ्चालन कास्की शाखा का वा मन्त्री रमा कोइरालाले गर्नुभएको थियो।