नेपाल रेडक्रस सोसाइटी जिल्ला शाखा, कास्कीको आयोजनामा र द युनिका फाउण्डेशन, नेदरल्यान्ड्सको आर्थिक सहयोगमा २०८१ माघ ६ र ७ गते कास्की जिल्ला, माछापुच्छ्रे गाउँपालिका वडा नं. ५ स्थित हुम्दी लाम्पाटा र डाँडागाउँ मोहोरा समुदायमा दुईमुखे फलामे चुल्हो वितरण कार्यक्रम सम्पन्न भयो।

कार्यक्रममा माछापुच्छ्रे गाउँपालिका वडा नं. ५ का वडा अध्यक्ष एवं नेपाल रेडक्रस सोसाइटीका कोषाध्यक्ष सन्तोष अधिकारी, सामुदायिक विकास समिति संयोजक तथा जिल्ला शाखा सदस्य कमलप्रसाद पौडेल, वडा जनप्रतिनिधि तथा अन्य सहभागीहरूको उपस्थितिमा ११२ घरधुरीलाई चुल्हो वितरण गरियो।

उक्त चुल्हो हुम्दी लाम्पाटा समुदायका ५३ घरधुरी र डाँडागाउँ मोहोरा समुदायका ५९ घरधुरीलाई प्रदान गरिएको थियो। कार्यक्रममा चुल्होको प्रयोगबारे डेमो सेसन नेपाल रेडक्रस सोसाइटीका सामुदायिक परिचालक सञ्जय पौडेलले संचालन गर्नुभएको थियो।

यस कार्यक्रमले मानव स्वास्थ्य र वातावरणमा सकारात्मक प्रभाव पार्ने विश्वास लिइएको छ