पोखरा, वैशाख १९ – नेपाल रेडक्रस सोसाइटी कास्की शाखाको कार्यालय परिसरमा विपद् सिकाई केन्द्रसहितको व्यवस्थित गोदाम भवनको निर्माण कार्य सुरु भएको छ। आज पोखरा महानगरपालिका वडा नं. ८ का वडा अध्यक्ष रुद्रनाथ बरालले एक विशेष कार्यक्रममा भवनको शिलान्यास गर्नुभएको हो।

झण्डै ८५ लाख रुपैयाँको लागतमा निर्माण हुन लागेको उक्त भवन पोखरा महानगरपालिकाको २० लाख रुपैयाँ आर्थिक सहयोगमा सुरु गरिएको हो। भवन निर्माणको जिम्मा एसबी कन्स्ट्रक्सन, पोखरा–१५ लाई दिइएको छ।

निर्माण कार्य आजदेखि सुरु भई आगामी २०० दिनभित्र सम्पन्न गर्ने लक्ष्य राखिएको छ। निर्माण सम्पन्न भएपछि उक्त भवनले विपद् व्यवस्थापन र राहत सामग्री भण्डारणमा महत्वपूर्ण योगदान पुर्‍याउने अपेक्षा गरिएको छ।